Ek het my BSC graad, Honneurs graad en Meesters graad in Kliniese Sielkunde voltooi aan die Noordwes-Universiteit, Potchefstroom. Verder het ek opleiding ontvang en ondervinding opgedoen met kinders en volwassenes by 'n kinderhuis, laerskool, psigiatriese hospitaal sowel as algemene hospitaal.

Huidiglik praktiseer ek privaat en konsulteer vanaf Laerskool Wierdapark (tydens skool-ure) en my kantoor in Wierdapark, Centurion. Ek is deel van Kerksondermure, Centurion se Netwerk vir Lewe span.

My registrasies by die Medieseraad van Suid-Afrika (HPCSA) asook die 'Board of Healthcare Funders' (BHF) word op datum gehou en ek brei gereeld my kennis uit deur geakrediteerde kursusse en opleiding by te woon.

Pr.NO 0444545 HPCSA reg. PS0112941

My doel is om ten alle tye 'n professionele en etiese diens aan my kliente te lewer tot die beste van my vermoë.

Terapie:

Terapie met volwassenes, adolossente en kinders (ouer as 7 jaar).

Ek werk vanuit 'n geïntegreerde benadering. Elke persoon en sy of haar probleem is uniek en daarom glo ek dit moet op 'n unieke wyse aangespreek word. Die welstand van my kliënt is vir my van uiterste belang en ek glo dat die reis saam met 'n terapeut kan lei tot genesing en die oorkoming van struikelblokke.

Voorbeelde van probleme waarmee kliënte aanmeld is:
- Familie en verhoudingsprobleme
- Verliese
- Gemoedsversteurings
- Angs

Ek het 'n spesiale liefde vir werk met kinders. Die uitdagings wat kinders ondervind sluit in:
- Aanpassingsprobleme
- Emosioneleprobleme
- Skolastieseprobleme
- Gedragsprobleme
- Verliese en traumatiese ondervindings

In my opinie werk 'n spanbenadering met kinders mees effektief en daarom betrek ek graag ouers, onderwysers en ander professionele persone by die proses wanneer dit nodig is.

Assessering:

Assesserings met kinders om die volgende areas van funksionering te evalueer:
- Sosiale- en emosionele funksionering
- Skolastiese funksionering (asook skoolgereedheid, aandagafleibaarheid en hiperaktiwiteit)
- Intellektuele funksionering.

Die doel van assessering is om kinders se potensiaal te bepaal sowel as om hulle sterkpunte en swakpunte te identifiseer wat ouers en onderwysers kan help om die kind te verstaan en te ondersteun om sy of haar potensiaal te bereik.

Ek is opgelei en geregistreer as disleksie spesialis by die Stark Griffin Disleksie Akademie om die Stark Griffin Disleksie Assessering af te neem en disleksie te diagnoseer.

Tariewe:

Ek is ingekontrakteer by die meeste mediesefondse insluitende Discovery Health, GEMS, Bankmed, Medihelp, Bonitas, Momentum health, Bestmed ens. Mediese fonds tariewe word gehef. Ek eis namens u vanaf u mediese fonds. Die gemiddelde 2024 tarief vir 'n 50 min konsultasie is R 1000. Kontanttariewe is ook beskikbaar.

Kantoor Ure:
My kantoorure is vanaf 8h00 tot 14h00